Google shpejton shfletuesin Chrome, arnon vrimat

Google përditësoi shfletuesin Chrome, duke përmirësuar funksionimin e shfletuesit në hapje dhe duke arnuar dy duzina dobësi në siguri. Chrome 24 përmbante disa ndryshime madhore.

Kjo është e zakonshme, pasi Google zakonisht përditëson shfletuesin e vet çdo gjashtë deri tetë javë.

Google i quajti vetëm si disa përmirësime dhe shtime të dobishme, duke përfshirë hapje më të shpejt, një ngritje e shpejtësisë së makinës V8 JavaScript të Chrome dhe mbështetje për MathML (Mathematical Markup Language), që ruan formulat matematike dhe simbolet në faqet e shfletuesit.

Edhe Mozilla paraqiti disa përmirësime gjatë kësaj jave

Përmirësimi i funksionimit të JavaScript ishte gjë e vogël në krahasim me Chrome 23, versionin e paraqitur nëntë javë më parë, por Google u lavdërua me faktin që qysh nga tetori i vitit 2011, shpejtësia e V8 është përmirësuar me 26 për qind.

Rastësisht, rivali Mozilla paraqiti disa përmirësime të JavaScriptit gjatë kësaj jave, duke thënë që një kompilator i ri JIT (pikërisht në kohë) përmirësoi shpejtësinë e Firefox 18 për 25 për qind. Chrome 24 gjithashtu arnoi 24 dobësi.

Skuadra e tij e sigurisë etiketoi 11 nga vrimat me rrezik “të lartë”, që është vlerësimi i dytë më serioz që e ka Google, tetë si “mesatar” dhe pesë si “të ulët

lexo më tepër »

Hulumtuesit e sigurisë këshillojnë që të ndalohet Java, për shkak të një dobësie

Përdoruesit e internetit duhet ta marrin parasysh ndalimin e Java-s në shfletuesit e tyre sepse një shfrytëzim (ang. exploit) që mund të lejojë sulmuesit nga larg të ekzekutojnë kod në një sistem të prekshëm, këshilloi gjatë ditës së enjte Skuadra e Shteteve të Bashkuara për Gatishmërinë Emergjente për Kompjuter (US-CERT).

Hulumtuesit e sigurisë raportuan gjatë kësaj jave që keqbërësit kibernetikë ishin duke përdorur një dobësi zero-ditore në Java për të sulmuar sistemet kompjuterike.

Sulmuesit ishin duke përdorur dobësinë për të instaluar në fshehtësi sulme keqdashëse në kompjuterët e përdoruesve të cilët vizitojnë uebfaqet e rrezikuara, thanë hulumtuesit.

Paralajmërimi i sigurisë i US-CERT tha që agjencia “nuk ishte në dijeni për një zgjidhje praktike të atij problemi”. Në vend të kësaj, US-CERT këshilloi që përdoruesit e internetit të ndalojnë Javan në shfletues. US-CERT është pjesë e Departamentit të Shteteve të Bashkuara për Siguri të Vendit.

Problemi mund të lejojë një apletë të pabesueshme të Javas për të shkallëzuar privilegjet e veta, pa kërkuar nënshkrim të kodit. Orace Java 7 përditësimi 10 dhe të mëhershmit janë të prekur, tha US-CERT.

“Kjo dobësi është duke u sulmuar në mënyrë të papërmbajtur dhe është raportuar që të përfshihet në pajimet për shfrytëzim”,- shtoi US-CERT. “Kodi shfrytëzues për këtë dobësi është po ashtu publikisht i qasshëm.

lexo më tepër »

Sa të dhëna do të krijojnë dhe ruajnë njerëzit këtë vit?

Nëse e keni harxhuar kohën në Facebook ose në Twitter, duhet të jetë e qartë se bota po krijon shumë informacion. Por ngaqë të gjitha këto të dhëna janë thjesht mbledhje njëshash dhe zerosh është vështirë t’i vizualizosh sa janë.

Sigurisht, mund të japim një numër, si për shembull 1.8 zetabyte informacion i krijuar dhe i kopjuar (Kopje CD, DVD) vetëm këtë vit – një numër që dyfishohet çdo dy vjet, sipas një studimi të fundit nga IDC-ja dhe EMC-ja, shkruan krokodili.com.

Por sa janë këto në të vërtetë? Jo vetëm që të dhënat vetë janë papeshë dhe vështirë për t’u vizualizuar, por numrat janë aq gjigantë saqë ato bëhen shumë shpejt absurdë për t’i kuptuar.

Njëra mënyrë është t’i fusim në mënyrë hipotetike të gjitha këto të dhëna në objekte fizike që i njohim të gjithë. Për shembull, ato 1.8 zetabyte informacion, do të kërkonte 57.5 miliardë iPad-e 32 GB për t’i ruajtur. Rreth $34.4 trilionë në vlerë monetare. Kjo është baras me GDP-në e SHBA-së, Japonisë, Kinës, Gjermanisë, Francës, Mbretërisë së Bashkuar dhe Italisë të marra së bashku. Kaq shumë të dhëna do të krijojmë dhe do të ruajmë këtë vit.

Grafiku më poshtë përmban edhe disa krahasime të tjera mjaft interesante për të kuptuar numrat. /albeu.com/ kekompjuter/

lexo më tepër »

Deri në 2020, çdo njeri në botë do të ketë 5,200 GB të dhëna

Gjatë tetë viteve të ardhshme, sasia e prodhuar e të dhënave dixhitale do të jetë 5,200 GB për çdo njeri në tokë, sipas studimit të Digital Universe, që do të thotë 57 herë sa sasia e të gjithë kokrrizave të rërës së plazheve në planet.
Të dhënat priten të dyfishohen çdo dy vjet deri në vitin 2020, pjesa më e madhe e të cilave nuk do të krijohen nga njerëzit, por nga makineritë duke qenë se komunikojë me njëra tjetrën nëpërmjet network-ut.
Megjithatë, vetëm një fraksion i vogël i të dhënave të prodhuara janë eksploruar për vlerën e tyre nga analistët e të dhënave. IDC llogarit se deri në 2020, 33 përqind e të gjithë të dhënave do të përmbajnë informacion të vlefshëm për t’u analizuar.
Shpjegimi sipas Digital Universe
Digital Universe përfshin gjithçka, që prej imazheve dhe videove të upload-ra në YouTube nga telefonat, deri te filmat dixhitalë që popullojnë TV-të HD.
Gjithashtu përfshin të dhëna më tradicionale si ato bankare nga një ATM, të sigurisë në aeroporte dhe të eventeve madhore siç janë Lojërat Olimpike apo përplasjet subatomike regjistruar nga Large Hadron Collider në CERN.
Përdorimi i bizneseve “inteligjente” për të analizuar të dhënat mund të zbulojë modele në përdorimin e mediave sociale, lidhje reciproke të të dhënave shkencore nga studime diskrete, informacione mjekësore të ndërlidhura me të dhëna sociologjike, sikurse dhe imazhe nga filmimet e sigurisë.
Nevojitet më tepër efikasitet
Menaxherët IT duhet të gjejnë mënyra për të rritur efikasitetin në infrastrukturat e tyre në mënyrë që administratorët IT të fokusohen në iniciativa më vlerë-shtuese sikurse politikat BYOD, analitikët “Big Data”, efiçenca dhe siguria on-boarding e klientëve.
Sipas studimit kjo do të ndodhë nëpërmjet mbulimit të infrastrukturave me integrim hapësirash ruajtjeje, serverësh dhe rrjetesh. Gjithashtu kundërshtohet fakti se pjesa më e madhe e të dhënave do të ruhet në cloud.
Argëtimi dhe media sociale
Shumica e informacionit në universin dixhital ka të bëjë me zbavitjen ose mediat sociale. Në vitin 2012, 68 përqind e të gjitha të dhënave të krijuara, u përdorën nga klientët për të pare TV dixhital, për bashkëveprim me mediat sociale ose për dërgim imazhesh dhe videosh nga telefoni ndërmjet pajisjeve dhe internetit.
Megjithatë, korporatat janë përgjegjëse për afërsisht 80 përqind të të dhënave në të gjithë universin dixhital. Si rezultat, atyre u duhet të përballen me çështje të të drejtave të autorit e privatësie.
Niveli i sigurisë së të dhënave varion sipas shtetit, ku më pak të sigurta në tregun informatik në zhvillim janë Brazili, Rusia, India, Malajzia, dhe Emiratet e Bashkuara Arabe.
Përveç kësaj, studimi zbuloi se: Rrjetet po rriten për sa i përket rëndësisë.
Të dhënat duhet të analizohen, të aplikohet siguria dhe autenfikimi i të dhënave në kohë reale e në nivel. Infrastruktura e rrjeteve do të jetë një investim kyç në tetë vitet e ardhshme.
Rregullat që qeverisin sigurinë e informacionit duhet të harmonizohen rreth globit, edhe pse dallime do të mbeten. Menaxherët IT duhet të kuptojnë se të dhënat do të kërkohen jashtë kufijve gjeografike, dhe një njohuri globale e sigurisë së informacionit mund të jetë diferenca midis miratimit dhe mohimit për kërkesë të dhënash.

lexo më tepër »

Si ta rregullojm disk defragmenter has detected that chkdsk is scheduled to run on the volume c

Doni ta beni nje Disk defragmenter por ju shfaqet ky problem 

ateher si e rregullojm:shkojm start,run shkruajm cmd dhe shkruajm shkronjen Y

dhe shtypim enter bejm ristart pc-n dhe presim disa minuta deri te starton pc-ja

dhe qdo gje do te jete ne rregull

lexo më tepër »

Rregullo DNS Cache të infektuara pas zbulimit.

Kam të instaluar një ESET Smart Security në kompjuterin tim dhe kohët e fundit më erdhi një larjmërim, si në imazhin e paraqitur më poshtë:

Kjo definitivisht nuk tingëllon mirë. Është bër një infektim në DNS Cache e njëjta gjë si spoofing DNS, e cila në thelb do të thotë emri DNS server cache është komprometuar dhe kur kërkon një faqe, në vend të gjetjes së serverin të vërtetë, kërkesa është ridrejtuar në një kompjuter me qëllim të keq që mund të shkarkon spyware apo viruset në kompjuter. I vendosur për të filluar një hulumtim në lidhje me  mesazhin e paraqitur nga ESET, vendosa ti bëj full scan kompjuterit, gjithashtu dhe shkarkova një Antimalware, por pas ndërmarrjes së këtyre inicjativave, rezultati është pozitiv.

Nëse shikojm në screenshot më lart, ne do të shohim se IP adresa është në fakt një IP adresë lokale (192.168.1.1). Kjo IP adresë në të vërtetë ndodh të jetë router IP adresa ime! Pra router im infekton, DNS cache e mia???

Jo me të vërtetë!!!

Sipas ESET, ajo nganjëherë mundet të zbulon aksidentalisht trafikun e brendshëm të IP adreses nga një router ose pajisje të tjera, si një kërcënim të mundshëm. Kjo ishte padyshim rasti për mua sepse IP adresa ishte një IP lokale. Nëse ju merrni mesazhin dhe IP adresa juaj bie në një nga këto vargjet më poshtë, atëherë kjo është vetëm trafiku i brendshëm dhe nuk ka nevojë për t'u shqetësuar:

192.168.x.x
10.x.x.x
172.16.x.x të 172.31.x.x
Në qoftë se kjo nuk është një IP adresë lokale, lëvizni poshtë për udhëzime të mëtejshme. Së pari, unë do të ju tregojnë se çfarë të bëni nëse kjo është një IP lokale. Të shkojnë përpara dhe të hapur programin Eset Smart Security dhe shkoni në dialogun Advenced Settings. Kliko mbi Network, për tu shfaqe tëgjitha opsionet, pastaj personal firewall dhe klikoni mbi Rules and Zones.

Kliko në butonin: Setup sipas Zone and rule editor dhe kliko në Zones tab. Tani klikoni në adresën e përjashtuar nga mbrojtja aktive (IDS) dhe kliko Edit.

Pastaj klikoni në Zone setup dhe klikoni butonin Add IPv4 address.

Tani  në vazhdim shkruani IP adresen të cilën ESET e ka zbuluar si adres kërcënuese

Kliko butonin OK.
_________________________________________________
Ke Kompjuter! a te Ndihmoj?
http://kekompjuter.blogspot.com/

lexo më tepër »

Arrihet zhbllokimi për iPadin e ri

Një haker ka zbuluar që ai tashmë me sukses ka arritur që ta zhbllokojë tabletin – megjithëse është mjaft larg një lëshimi përfundimtar.
Hakeri për iOS, MuscleNerd, postoi një pamje në Twitter, por shtoi që ai është hapi i parë përpara marrjes së një jailbreaku të gatshëm për hakerët e etur për përdorim. Duke ia bërë jailbreak pajisjes tuaj, ju mund të përdorni aplikacione të paautorizuara dhe të instaloni gjëra të cilat ndërmarra Apple nuk i mbështet. MuscleNerd thotë që nuk ka ndonjë caktim se kur do të bëhet lëshimi përfundimtar i jailbreakut.
Puna e tij në fakt i hap dyert për grupin e hakerëve të sistemit operativ iOS, iPhone Dev-Taem, për të punuar në një hakim më të rafinuar. Ai gjithashtu postoi edhe një pamje të jailbreakut për depon e aplikacioneve për Cydia që funksionojnë në iPadin e ri, duke paraqitur dëshmi që hakimi i tij ishte i ligjshëm.
Hakeri dhe grupi i tij ishin të parët që lëshuan një jailbreak për iPhone 4S dhe tregoi gjithashtu edhe një rrugë tjetër të ligjshme për ta mundësuar përdorimin e aplikacionit Siri edhe në iPhone 4. Ky hakim i fundit tregon që nuk ka rëndësi se sa shumë Apple mundohet që ta bllokojë iOS, hakerët do të mund ta gjejnë një rrugë për të hyrë në të.

lexo më tepër »

Gjermania Hedh në gjyq Facebook-un

Berlin, dhjetor 2012
Organizata në mbështetje të konsumatorëve në Gjermani po hedh në gjyq Facebook-un për shkak se rrjeti social i mban të dhënat e ndara personale, së bashku me prodhuesit e aplikacioneve të jashtme, pa marrë miratimin e qartë te përdoruesve.
Shumë nga aplikacionet e palëve të treta duan të aksesojnë chatin e përdoruesve, po ashtu edhe informacionin mbi miqtë, të dhëna personale kontakti si dhe mundësinë për të postuar në murin e tyre në Facebook. Por, në vend që të kërkojnë lejen e përdoruesve, aplikacionet e disponueshme përmes Facebook App Center i marrin vetë këto informacione, u shpreh Federata Gjermane e Konsumatorëve (VZBV) ditën e enjte.
Ata shtuan se miratimi i përdoruesve për marrjen e këtyre të dhënave nuk është dhënë asnjëherë. Padia po ngrihet në Berlin kundër Facebook Ireland për shkak se ai është përgjegjës për aktivitetet e rrjetit jashtë territorit të SHBA-së dhe Kanadasë.
Në të kaluarën, Facebook-u u shfaqte përdoruesve një dritare pop-up që i paralajmëronte se të dhënat do të ndaheshin me pale të treta. Ishte përdoruesi ai që duhet të vendoste ta lejonte apo jo këtë gjë. Më pas u prezantua App Center dhe rregullat ndryshuan, shprehet Michaela Zinke, përgjegjëse për sektorin e politikave të VZBV.
VZBV e paralajmëroi Facebook-un të ndryshonte rregullat lidhur me privatësinë që në muajin gusht, duke theksuar faktin se në të kundërt do të merrte masa ligjore. Por mesa duke, ky paralajmërim me fjalë nuk ka shërbyer për asgjë.
VZBV shkruan se modeli i biznesit të Facebook-ut është brutal. Edhe pse ai është pa pagesë, përdoruesit paguajnë për të përmes të dhënave të tyre. Të dhënat personale përdoren për të analizuar dhe për të targetuar më pas përdoruesit për reklama.
Prej disa kohësh, rrjeti social ka qenë në presionin dhe sulmin e Gjermanisë dhe vendeve të tjera të Evropës.

lexo më tepër »

Brazil: Facebook e kalon Google

Rio de Zhaneiro, Prill 2012
Gjatë muajit janar, Facebook e ka tejkaluar rivalin e saj, rrjetin social të Google, Orkut, në tregun Brazilian.
Mirëpo, gjatë këtij muaji, rrjeti më i madh social në botë – Facebook e ka tejkaluar në përgjithësi rivalin e saj Google në Brazil.
Të dhënat e Experian Hitwise tregojnë se Facebook ka pasur një rritje dramatike gjatë vitit të kaluar, ndërsa shërbimet e Google, siç është rrjeti social Orkut, tashmë është duke rënë në vizita, pasi që tani faqja rangohet si e treta në Brazil.
Megjithatë, statistikat thonë se rënia e Google në Brazil duket se ka ndodhur më ngadalë sesa rritja e shpejtë e Facebook.

lexo më tepër »

Samsung kryeson tregun e pajisjeve mobile

Samsung-u mbeti prodhuesi më i popullarizuar telefonik në Shtetet e Bashkuara të Amerikës në tremujorin e tretë të vitit 2012, por Apple është duke u afruar ngadalë, sipas raportit të fundit të comScore, MobiLens.
Me disa smartfonë të suksesshëm këtë vit, si Galaxy S III dhe Galaxy Note II, Samsung-u u rendit si prodhuesi numër një me më tepër se 26 për qind të tregut në Shtetet e Bashkuara, që paraqet një ngritje prej 0.7 për qind.
Apple ndodhet në vendin e dytë dhe mjaft larg nga ai i pari, me 17.8 për qind, pas një ngritjeje prej 1.5 për qind, që ndihmoi ndërmarrjen të kalojë LG-në me 0.2 për qind si prodhuesi numër dy i pajisjeve telefonike.
LG ka rënë me pothuajse 1 për qind në tre muajt që mbaruan në tetorin e vitit 2012.
Motorola dhe HTC ndodhen në vendin e katërt dhe pestë, përkatësisht me 11 dhe 6 për qind, ku kanë pësuar rënie në tregun mobil në tremujorin e tretë në krahasim me tre mujorin paraprak, që përfundoi në korrikun e vitit 2012.
Sistemi operativ Android kryeson tregun
Nëse shikoni shifrat për sistemet operative, do të shihni që Android është duke kryesuar me 53.6 për qind, pas një ngritjeje prej 1.4 për qind, ndërsa Apple është në vendin e dytë në këtë kategori, me 34.3 për qind të tregut, pasi ishte një ngritje prej 0.9 për qind këtë tremujor.
Ndërkohë, BlackBerry i Research In Motion ka 7.8 për qind të tregut, ndërsa Windows Phone ka pasur një rënie të vogël, duke rënë sërish në 3.2 për qind. Prodhuesit e smartfonëve ende kanë hapësirë për të zënë.
Shifrat nga comScore tregojnë që 121.3 milionë njerëz në Shtetet e Bashkuara të Amerikës posedonin smartfonë, që paraqet një depërtim prej 51.9 për qind në tregun mobil, që është një rritje prej 6 për qind që nga korriku.
Studimi i bërë me 30,000 njerëz gjeti gjithashtu që pas thirrjeve telefonike, porositë tekstuale mbesin përdorimi më i popullarizuar i smartfonëve, së bashku me shkarkimin e aplikacioneve dhe shfletimi i uebfaqeve, derisa vetëm një e treta e përdorin atë për t’iu qasur rrjeteve shoqërore

lexo më tepër »

Prezantohet zyrtarisht smartfoni Nokia Lumia 620

Nokia sot prezantoi pajisjen e re smartfon me emrin Lumia 620, i bazuar në sistemin operativ Windows Phone 8, ndërsa mund ta quajmë lirisht si pasues direkt të modelit Lumia 610.
Pra, bëhet fjalë për model më ekran 3,8 inç, me fuqi procesori 1GHz Snapdragon dhe 512 MB RAM. Në këtë pajisje janë integruar 8 GB memorie interne, me mundësi futje edhe të memorie kartelave microSD.
“Nokia Lumia 620 është pajisje me dizajn kompakt, është gjenerata e tretë e modelit Lumia dhe është një pajisje e cila do ti pëlqej përdoruesve të rinj dhe atyre që ndihen ashtu”,- thanë njerëzit e Nokia-s gjatë prezantimit. Nënkryetarja e sektorit të Nokia Smart Devices, Jo Harlow, tha se “Nokia po vazhdon me strategjinë me të cilën synojmë të përfshijmë një gamë më të gjerë të përdoruesve dhe tregje të reja. Me dizajn inovativ, softuerin më të ri të Windows Phone dhe karakteristikave dhe aplikacioneve të cilat i ka zhvilluar Nokia, Lumia 620 është pajisje tejet konkurruese në këtë klasë çmimesh.”
Me kamerën kryesore prej 5 megapikselëve dhe kamerën e pasme VGA, Nokia Lumia 620 mund të krenohet me lentet ekskluzive të Nokia-s sikurse ato të pajisjeve Lumia 920 dhe Lumia 820.
Sistemi operativ Windows Phone 8 në këtë pajisje mundëson përdorimin e Microsoft Office, 7 GB hapësirë në SkyDrive dhe kërkim më të shpejtë dhe të sigurt në internet përmes shfletuesit Internet Explorer 10. Të gjitha këto karakteristika dhe opsione i mundëson procesori i Qualcomm, Snapdragon™ S4 Plus.
Nokia Lumia 620 do të jetë në dispozicion në një mori ngjyrash: gjelbër, portokalli, verdhë, bardhë, zezë etj.
Çmimi i rekomanduar i kësaj pajisje është 190 euro, kurse në dispozicion do të jetë në tremujorin e parë të vitit të ardhshëm ku së pari pritet të fillojë me shitjet në Azi e më pastaj do të fillojnë shitjet edhe në Europë e më gjerë.

lexo më tepër »

Facebook ndërpret bashkëpunimin me Zynga, s’ka më Poker

Për të gjithë të apasionuarit pas Pokerit, kemi një lajm shume të keq, nuk do të mund të luani më këtë lojë. Lajmi është bërë i ditur nga rrjeti social Facebook, i cili njofton ndërprerjen e partneritetit me platformën e lojërave online “Zynga”.
Pas disa muajve të vështira për të punuar, një gjë e tillë vjen si një lajm vërtet i keq për “Zynga”, vlerat e aksioneve të së cilës tashmë kanë rënë për më shumë se 12% pas njoftimit mbi ndërprerjen e bashkëpunimit me Facebook.
Në dokumentet e paraqitura tek organi amerikan i kontrollit të aksioneve “SEC” (Securities and Exchange Commission), të dy kompanitë i qartësuan ndryshimet në marrëveshjen e bashkëpunimit mes tyre, e cila sipas shumë analistëve i dha kompanisë “Zynga” një pozitë mjaft të lartë në Facebook.
Kompania “Zynga”, me lojërat si “Poker” “FarmVille” dhe “Mafiaëars”, arriti një revolucion të vërtet kur bëhet fjalë për lojërat në Facebook dhe është shumë sigurt se kompanitë tjera nuk do ta kenë të lehtë ta përsërisin këtë sukses.(Indeksonline)/kekompjuter

lexo më tepër »

Dizajneri i parë i rrjetit Twitter largohet nga ndërmarrja

Gjërat ndryshojnë gjithkund, veçanërisht në “Startups”. Nganjëherë, njerëzit që nisin diçka nuk janë ata që e “mbarojnë” atë dhe kështu ndodh me një person shumë të rëndësishëm në Twitter.
Dizajneri i parë i Twitter-it, Vitor Lourrnço, lajmëroi që ai është duke u larguar nga ndërmarrja pas pesë viteve. Ai e shfrytëzoi mundësinë për të falënderuar Ev Williams që ia dha atij një mundësi. Tani ndaloni dhe mendoni rreth asaj se sa njerëz duhet të shikojnë dhe përdorin atë në të cilën ai ka qenë duke punuar për pesë vite. Mjaft shkëlqyeshëm, apo jo?
Disa njerëz do ta lexojnë këtë si një shenjë që gjërat janë duke shkuar në një drejtim jo të mirë për Twitter-in. Por, ç’është e vërteta, gjëra të tilla ndodhin në kohë reale. Në fakt, pesë vitet që Lourenço i kaloi në Twitter janë shumë mbresëlënës. Disa njerëz janë duke thënë që Twitter është “qendërzuar”, mirë ose keq, dhe atë që e pamë nuk do të jetë ajo që do ta shohim në të ardhmen, por mund të thuhet se nuk është gjëja e saktë për të menduar në një mënyrë të tillë. Gjatë një interviste në vitin 2009, ja se çfarë tha dizajneri i ri për punën e tij në njërin nga aplikacionet ndoshta më të popullarizuar ndonjëherë:

Pyetja: Ti njihesh më së miri që keni punuar në njërën nga uebfaqet më të mëdha në botë, Twitter. A mund të na tregoni rreth hapave që i ndërmorët për të shndërruar këtë uebfaqe tashmë të thjeshtë në një stil më elegant, më intuitiv, në mënyrë që shumë njerëz duhet ta njohin dhe ta duan?
Përgjigja: Unë punova me skuadrën e inxhinierisë në Twitter për të thjeshtëzuar UI-në (Ndërfaqen e Përdoruesit) edhe më tepër, duke i ndjekur disa nga konceptet e thjeshtësisë së John Maedas: tkurrje, fshehje dhe shprehje. Kështu që, aplikacioni nuk humbi ndonjë nga veçoritë e tij, por ato ishin më mirë të grupuara dhe të inkorporuara në faqe, duke paraqitur një shirit anësor të unifikuar me një zhvendosje vertikale të dalluar. Sa i përket dizajnit virtual, ne kemi përzgjedhur tipografinë, stilet e butonave dhe hapësirë të rregulluar dhe papajtueshmëritë në rrjet. Në shtresën e fundit teknike, ne paraqitëm AJAX për postim të përditësimeve dhe ndryshim të tabeve, derisa përmirësuam funksionimin e faqes duke i grupuar fotografitë, duke përdorur entitete CSS.
Çfarë do të bëjë në vijim Lourenço? Qielli është i kufizuar, sepse ai e kuptoi që thjeshtësia është ajo që duan njerëzit, jo vetëm entuziastët e teknologjisë. Qoftë një aplikacion, shërbim uebi ose diçka tjetër në një copë letër, nuk ia vlen të bëhet nëse nuk është e lehtë për t’u kuptuar nga çdokush. Në biografinë e tanishme të tij në Twitter, Lourenço nuk dha ndonjë shenjë për lëvizjen e tij të ardhshme. Me siguri që do të na mbajë të përditësuar... në Twitter. “Unë isha dizajneri i parë në Twitter, ku përmbi 5 vite, unë ndihmova në ndryshimin e rrugës në të cilën komunikojnë njerëzit. Tani jam duke shikuar se çfarë ka në vijim”

lexo më tepër »

A e dini nëse është legale përmbajtja që shikoni në internet !

Një hulumtim i kryer kohëve të fundit tregon se gati gjysma e përdoruesve nuk është e sigurtë se nëse përmbajtja që ata shikojnë në internet është legale apo ilegale.

Rezultatet e këtij hulumtimi të cilin e ka kryer kompania Kantar Media tregon se gati 47% e përdoruesve të internetit nuk janë të sigurt se përmbajtja të cilën ata e shkarkojnë nga interneti apo e shikojnë është legale apo ilegale. Ndërsa një në gjashtë përdorues janë të sigurt se përmbajtja të cilën e kanë shkarkuar apo shikuar gjatë tre muajve të fundit në internet është ilegale.

Prej përdoruesve të cilët me vetëdije i’u kanë qasur përmbajtjes ilegale, shumica e tyre e bëjnë këtë gjë sepse përmbajtja e tillë është falas (54 %), i përshtatshëm (44 %) dhe i shpejtë në dispozicion (44 %), derisa rreth 25 përqind të tyre pohojnë se në këtë mënyrë ata së pari mund të provojnë përmbajtjen para se ta blejnë atë.

Rezultatet e këtij hulumtimi po ashtu tregojnë se rreth 40 përqind e të anketuarve të cilët i janë qasur përmbajtjes ilegale do të ndalonin me pirateri në qoftë se do tu mundësohej qasje legale dhe më e lirë, ndërsa rreth një e treta e të anketuarve nuk mund të gjejnë përmbajtjen që u intereson në mënyrë legale kështu që i kthehen piraterisë.

Në Telegraph, duke komentuar këto rezultate, thonë se sot është shumë me rëndësi që përdoruesit të “kuptojnë” sjelljen e tyre online dhe nëse i shkelin të drejtat autoriale sepse ofruesit e shërbimeve të internetit ( së shpejti në SHBA, kurse ky trend mund të zgjerohet edhe në vende tjera) në të ardhmen do ti kontaktojë përdoruesit dhe ti paralajmërojë ata në rast të përdorimit të përmbajtjes pirate dhe shkeljes së të drejtave autoriale.

Përveç paralajmërimit, ofruesit e shërbimeve të internetit, përdoruesit do ti dërgojnë në ueb faqe në të cilat ata mund të edukohen rreth piraterisë dhe në ueb faqe në të cilat mund ti qasen përmbajtjes legale.

Dërgimi i paralajmërimit dhe qasja edukative (e cila është me shumë rëndësi sepse gati gjysma e përdoruesve nuk është e sigurt se a është përmbajtja të cilën i qasen ilegale) në luftën kundër piraterisë mund të tregohet e suksesshme dhe se ky hulumtim ka treguar se një e katërta e përdoruesve të cilët deri më tani i’u kanë qasur përmbajtjes ilegale, do të ndalonte me piraterinë menjëherë pas paralajmërimit të parë

lexo më tepër »

COSMOS vlerëson sa të dëmshëm janë celularët

Me gjasë keni lexuar shumë studime kundërthënëse mbi atë se sa të dëmshëm janë rrezatimet nga telefonat celularë që përdorim për çdo dit ndërsa asnjëri nuk ardhur deri te përgjigja në pyetjen konkrete – sa janë të dëmshëm celularët.

Për vendimin përfundimtar duhet pasur pak durim për shkak se ka nisur me punë studimi kohortiv epidemiologjik e cila do të ketë detyrë të përcjell së paku 250,000 evropian gjatë 30 viteve dhe i cili do të regjistroj ndikimin e celularëve në shëndetin e tyre.

Studimi që ka shkurtesën COSMOS (Cohort Study on Mobile Communications) rezultatet preliminare, mu sikur studimi i famshëm epidemiologjik në Britatinë e Madhe mbi atë se sa dëm mund të shkaktoj duhani i cili ka filluar në vitet e 50-ta, do të jap rezultatet edhe para përfundimit të studimit, çdo 10 vite.

Problemi me studimet e mëhershme ishte kryesisht se ato provonin të bëjnë rekonstruimin e përdorimit të celularëve në periudhën paraprake prej 5 apo 10 viteve, dhe atë në bazë të deklaratave të njerëzve të sëmurë nga kanceri, kështu që u bënë mekanizëm jo i besueshëm për vërtetimin e saktësisë së shënimeve. 

lexo më tepër »

Si të largojm fjalkalimin e harruar përmes Safe Mode

Nëse i keni vendos kompjuterit tuaj password dhe e keni harru ate, atëherë nuk do të thot se ka marr fund gjithcka dhe duhet patjeter ta formatizoni atë. Ekziston mundësia që përmes Safe Mode ta largoni atë.

Se si bëhet kjo, shikojm në vazhdim.

Gjëja e parë që duhet ta bëni është që posa ta ndizni kompjuterin mbani të shtypur  tastin “F8″.
Pastaj shfaqet mundësia për tu futur në “SAFE MODE “

Kliko këtu për ta par foton

Posa të zgjidhni “SAFE MODE” do të duhet të prisni disa minuta, në disa kompjuterë dhe më gjatë.
Kliko këtu për ta par foton
Pasi që kompjuteri juaj të ndizet, do t’iu  shfaqet “Administrator”.
Klikoni në të dhe do t’iu jepet mundësia të futeni në Windows.
Kur të starton kompjuteri juaj klikoni në : Start/ All Programs / Control Panel / User Accounts / ” Emri i përdoruesit” dhe pastaj zgjidhni “Remove Password”
Krejt në fund restarto kompjuterin dhe më sdo të shfaqet passwordi.

lexo më tepër »

Cilët janë përbërësit e Nexus 4 ?

Doni të shihni se si duket brendia e telefonit të ri të Google, gjegjësisht LG, vizitoni faqen e iFixit në adresën http://www.ifixit.com/Teardown/ Nexus+4+Teardown/11781/. Çmontimi i Nexus 4 tregohet në 22 hapa, ndërsa ky smartphone ka marrë notën e riparimit 7 prej 10, pra nuk është aq vështirë të riparohet (çmontohet, ndërrohet komponenti, dhe prapë të montohet). Vërejtje ka për baterinë e cila është e ngjitur për shtëpizë me shumë ngjitës dhe xhami i cili është i ngjitur me ekranin dhe kornizën.

Në secilin hap janë theksuar komponentët të cilat janë ndarë,me shenjën e modelit dhe prodhuesit. Kështu shihet ashiqare që ekranin IPS e ka prodhuar LG (do të ishte çudi po të ishte ndonjë prodhues tjetër i ekranit), Flashmemoria është e Toshibës, çipat e ndryshëm nga Qualcomm dhe Avago, ndërsa 2 GB memorie RAM vijnë nga Samsungu. Kontrolleri për touchscreen vjen nga Synaptics.(koha.net)/kekompjuter

lexo më tepër »

Ekrani që ndien si dhe me çka preket

Nga startup kompania Qeexo arrin teknologjia FingerSense e cila shton funksionalitetin e ri në interaksionin e shfrytëzuesve të smartphonëve dhe tabletëve përmes ekranit të ndjeshëm në prekje.

FingerSense i mundëson smartphonit të dallojë shtypjen me mollëzën e gishtit, me thua apo me grusht (sikur kur trokitet), ndërsa dallon njëherësh edhe prekjen me stylusin pasiv.

Në videon demonstruese në Samsung Galaxy S III të modifikuar në të vërtetë është paraqitur se si njëra anë e stylusit mund të shfrytëzohet për shkrim ndërsa tjetra për fshirje, sikurse goma. Po ashtu, me stylusë të ndryshëm mund të tërhiqen vijëza apo të bëhet nënvizim me trashësi të ndryshme.

Teknologjia bazoeht në senzorin e vogël akustik i cili “dëgjon” dallimin mes “objekteve” të ndryshme me të cilat preket ekrani, gjegjësisht mat vibrimet të cilat prodhon secili objekt. Tani për tani nuk ka informata se kur do të mund të paraqitet kjo teknologji në pajisjet e ndjeshme në prekje.(koha.net)/ kekompjuter

lexo më tepër »

Android e vetmja konkurrencë për iPad

Pasi që Apple solli në jetë tregun e tabletëve me paraqitjen e iPad-it, analistët vlerësojnë se e vetmja konkurrencë e denjë për të do të jenë pajisjet e bazuara në Android.
Sipas analizave të hulumtuesve të kompanisë ABI Research, edhe pse Windows-ët mund të punojnë në kompjuterët tablet, ata nuk janë zgjidhja më e mirë për pajisjet portative sikurse që janë tabletët.
Në të vërtetë, për shkak të kërkesave relativisht të larta për fuqi përpunuese dhe shpenzim të energjisë, Android është zgjidhje më e mirë.
Në ABI vlerësojnë se për të parë të ardhmen e tabletëve shumë më thjeshtë është që të shikohet gjendja aktuale në tregun e telefonave “të mençur” mobil. 

lexo më tepër »

Arrihet thyerja edhe për sistemin operativ Windows 8

Vupen, që është një ndërmarrje e sigurisë në biznes, deklaroi në fundjavë që ka gjetur një rrugë për të tejkaluar mekanizmat e sigurisë në Windows 8 dhe të ekzekutojë një kod përgjatë një faqe uebi.
Shefi ekzekutiv i Vupen, Chaouki Bekrar, tha në një e-mail që hulumtuesit e ndërmarrjes kanë gjetur “shumë dobësi” në Windows 8 dhe Internet Explorer 8, në versionin e fundit të sistemit operativ të ndërmarrjes Microsoft dhe në shfletuesin e fundit të uebit që është zhvilluar nga kjo ndërmarrje.
“Ne kemi hulumtuar dhe zbuluar shumë dobësi në Windows 8 dhe Internet Explorer 10 që i kemi kombinuar së bashku për të arritur ekzekutimin e plotë të një kodi nga larg përgjatë një faqe uebi e cila tejkalon teknologjitë e reja për zbutjen e shfrytëzimit të përfshira në Windows 8”,- tha Bekrar. Microsoft-i mohoi të komentoi për e-mailin e Bekrarit, duke thënë që nuk ka marrë ndonjë hollësi për vrimat.
“Ne vazhdojmë t’i përkrahim hulumtuesit që të marrin pjesë në programin për Zbulim të Koordinuar të Dobësisë të Microsoft-it për të ndihmuar në sigurimin e mbrojtjes së konsumatorëve tanë”,tha në një deklaratë drejtori i Informatikës së Besueshme të Microsoft, Dave Forstrom.
Bekrar: Windows 8, ishte vërtet shumë i vështirë për tu thyer
Wolfgang Kandek, i cili është shefi i teknologjisë në Qualys, tha që fakti që Vupen duhej të vendoste në varg dobësitë ishte një tregues se sa mirë Microsoft-i ka përforcuar sigurinë në Windows 8.
Për të shfrytëzuar një grumbull të vrimave do të duheshin shkathtësi vërtet të shumta. Fakti që është bërë kjo gjë i rikujton industrisë që Windows nuk ka gjasa që ndonjëherë të jetë i papërshkrueshëm nga sulmet. “Ne nuk kemi arritur në pikën ku produkti është i përsosur, por sidoqoftë ajo me siguri është e paarritshme”,- tha Kandek. Bekrar së pari lajmëroi këtë të martën në Twitter.
Në një e-mail për CSO Online, shefi ekzekutiv bëri lavdërimin e Windows 8, duke thënë që softueri ishte vërtet shumë i vështirë për tu thyer. “Ky sistem i ri operativ i Microsoft-it është përfundimisht versioni më i sigurt deri tani i Windows-it”,- tha ai.
Teknologjitë për zbutje të shfrytëzimit të cilat i ka tejkaluar Vupen ishin HiASLR (high-entropy Address Space Layout Randomization), AntiROP (anti-Return Oriented Programming), DEP (data execution prevention) dhe the IE 10 Protected Mode sandbox.
Vupen publikisht i reklamon shërbimet e veta
Për shkak të veçorive në siguri në sistemin operativ të fundit të Microsoft-it, Bekrar nuk pret që kriminelët kibernetikë do të gjejnë vrima për një kohë.
“Ne nuk presim që të shohim, në një afat të shkurtër, sulmues duke krijuar një shfrytëzim për Windows 8 dhe Internet Explorer 10 kur kostoja do të ishte shumë e lartë”,- tha Bekrar.
Vupen dhe sfiduesit Endgame Systems dhe Netragard i shesin dobësitë që i zbulojnë ose i blejnë nga hulumtuesit e palës së tretë për agjencitë qeveritare dhe korporatat e mëdha. Gjuajtësit e vrimave janë në një fushë me ngjyrë hiri të tregut sepse ata nuk i shpalosin njohuritë e arritura për prodhuesit e softuerëve, që mund të lëshonin arnime.
Për dallim nga kundërshtarët, Vupen publikisht i reklamon shërbimet e veta. Ndërmarrja thotë që korrigjon konsumatorët e vet dhe nuk do të shesë dobësi për kriminelët kibernetikë.

lexo më tepër »