Google Maps ngatërron shtëpinë me parkun shtetëror

Një gabim i Google Maps po e bën të vështirë jetesën për një çift nga New Jersey. Një shtëpi private është bërë destinacion për turistët pasi Google Maps gabimisht e kishte listuar vendodhjen e saj si Round Valley State Park. Për tre vitet e fundit vizitorë të hutuar që kanë përdorur Google Maps për të gjetur rezervuarin e parkut janë shfaqur në shtëpinë e pronarëve duke i detyruar ata të vendosin shenja dhe një gardh.

Google ka thënë se po përpiqet ta rregullojë këtë problem.